بالی وڈ انڈسٹری کے سپراسٹار اور ورسٹائل اداکار نواز الدین صدیقی پاکستانی اداکاروں کے مداح نکلے۔
جرمن میڈیا سے گفتگو کے دوران نواز الدین صدیقی نے پاکستانی اداکاروں کو شاندار جبکہ ڈرامہ نگاروں کو لاجواب قرار دیا ہے۔بالی وڈ سپر اسٹار نواز الدین صدیقی کا کہنا تھا کہ پاکستانی ڈراموں کی جو کہانیاں ہیں وہ بہت بہترین اور اچھی ہوتی ہیں۔ ساتھ میں پاکستانی اداکار بھی بہت اچھا پرفارم کرتے ہیں۔
نواز الدین صدیقی نے یہ بھی بتایا ہے کہ سپرہٹ بالی وڈ فلم “بجرنگی بھائی جان” میں چاند نواب کے مشہور کردار کیلئے 100 بار پریکٹس کی اور ون ٹیک شاٹ ریکارڈ کروایا۔
گفتگو کے دوران نواز الدین صدیقی نے مسکراتے ہوئے چاند نواب کو پیغام دیا ہے کہ گزارش ہے ایسی غلطیاں دہراتے رہا کریں تاکہ ہمیں بھی مزہ آتا رہے۔
