بھارت کے ارب پتی تاجر مکیش امبانی کے چھوٹے بیٹے اننت امبانی اور رادھیکا مرچنٹ کی شادی نے پورے بھارت میں خوشی کی لہر تو پیدا کرہی رکھی ہے۔اور ہر خاص وعام اس شادی کا ذکر کرتا دکھائی دے رہا ہے۔
بھارتی ریاست گجرات کے شہر جام نگر میں انجام پذیر ہونے والی اس شادی کے چرچے بھارت کے علاوہ بھی دنیا بھر میں ہورہے ہیں۔دوسری جانب بالی وڈ اسٹارز کی بھر پور آمد وشرکت نے اس شادی میں چار چاندلگادیئے ہیں۔
اور خانز آف بالی وڈ کی ایک ساتھ اسٹیج پر پرفارمنس نے حقیقتاً لوگوں کے دل جیت لئے ہیں۔میڈیا رپورٹس کے مطابق اننت امبانی اور رادھیکا مرچنٹ کی شادی سے پہلے کی شاندار تقریبات منعقد کی جارہی ہیں۔
جس میں دنیا کی مشہور اور امیر ترین شخصیات بھی مدعو ہیں۔اور ساتھ ہی، بالی وڈ کے 3 خانز عامر خان، سلمان خان، اور شاہ رخ خان جو ایک ساتھ کم نظر آتے ہیں۔
انہیں مکیش امبانی نے نہ صرف ایک مدت کے بعد اسٹیج پر اکھٹا کردیاہے بلکہ تینوں کی ایک ساتھ ڈانس پرفارمنس نے مکیش امبانی کے اثر ورسوخ کو اور ان کے لئے تینوں خانز کے دلوں میں پیار اور احترام کے جذبات کو بھی نمایاں کیا ہے۔
واضح رہے کہ تقریب میں 1000 مہمانوں کو مدعو کیا گیا ہے جس میں بل گیٹس اور میلنڈا گیٹس سمیت بالی وڈ کی کئی اہم شخصیات شرکت کررہی ہیں۔
