بگ باس 17 کے فاتح منور فاروقی نے بھارتی کرکٹ لیجنڈ ماسٹر بلاسٹر سچن ٹنڈولکر کو آؤٹ کرکے سب کو خاموش کروا دیا۔
سماجی رابطے کی ویب سائٹ ایکس پر گزشتہ روز کھیلے گئے ٹی10 ٹورنامنٹ سے ایک ویڈیو وائرل ہو رہی ہے۔
انڈین اسٹریٹ پریمیئر لیگ (آئی ایس پی ایل) کے لیے کھیلے گئے اس تفریحی میچ میں لیجنڈری کرکٹر ایک بار پھر ایکشن میں نظر آئے۔ابھی ماسٹر بلاسٹر نے 30 رنز ہی بنائے تھے کہ منور فاروقی کی گیند پر کیچ آؤٹ ہوگئے۔
سچن ٹنڈولکر کا آؤٹ ہونا تھا کہ اسٹیڈیم میں مکمل خاموشی چھا گئی۔
اسٹیڈیم میں موجود شائقین کو اپنی آنکھوں پر یقین آیا نا ہی کومینٹری باکس میں بیٹھے کومینٹیٹرز کو۔خیال رہے کہ آئی ایس پی ایل میں کرین کپور خان، سیف علی خان ،امیتابھ بچن جیسی مشہور شخصیات کی ٹیمز مد مقابل ہیں۔
