پاکستانی اداکارہ عائشہ عمر نے پیچیدہ میڈیکل سرجری کے بعد انڈسٹری سے چارماہ وقفہ لینے کا اعلان کردیاہے۔
انھوں نے یہ اعلان انسٹا گرام پر ایک پوسٹ میں کیا۔اس پوسٹ میں اداکارہ نے اپنے فینزکو اطلاع دی کہ یکم رمضان کو ان کی سرجری ہوگئی ہے۔
اور اب وہ تیزی سے صحتیاب ہورہی ہیں۔ واضح رہے کہ عائشہ عمرآٹھ سال قبل ایک ایکسیڈنٹ کا شکار ہوگئی تھیں۔
جس میں ان کے کولربون اور شولڈر بلیڈ کی ہڈیاں ٹوٹ گئی تھیں۔لیکن وہ اپنی بلند ہمتی کے ساتھ انڈسٹری میں اسی تکلیف کے ساتھ کام جاری رکھے ہوئے تھیں۔
علاوہ بریں آپ کو بتاتے چلیں کہ عائشہ عمر ایک اسٹائل آئیکون سمجھی جانے والی پاکستان کی ان مقبول ترین اداکاراؤں میں شامل ہیں۔جوسب سے زیادہ معاوضہ وصول کرتی ہیں۔
عائشہ عمر نے 2012 میں نے اپنا پہلا سنگلز ”چلتے چلتے” اور ”خاموشی” ریلیز کیا، جو کہ پاکستان میں بڑی حد تک کامیاب رہا تھا۔اگرچہ ناقدین کی جانب سے ملے جلے ردعمل کا سامنا کرنا پڑا تھا۔
اس کے علاوہ عائشہ عمر بہترین البم کا لکس اسٹائل ایوارڈ بھی جیت چکی ہیں۔مزید یہ کہ انھوں نے کئی ڈراموں میں بہترین اداکاری کے جوہر دکھائے ہیں۔ اور ناظرین سے زبردست داد سمیٹی ہے۔
