خیبر پختونخوا میں طوفانی بارشوں کے باعث صورتحال انتہائی ناگفتہ بہ ہے۔ کئی اضلاع میں دیواریں اور چھتیں گرنے کے تین سو تیس واقعات رونما ہوئے،تریپن گھروں کو مکمل اور دو سو ستتر گھروں کو جزوی طور پر نقصان پہنچا ہے۔
مزید برآں خیبرپختونخوا میں بارشوں سے ہونے والے نقصانات سے متعلق پی ڈی ایم اے کی جاری کردہ رپورٹ کے مطابق خیبرپختونخوا میں حالیہ طوفانی بارشوں نے صوبے بھر میں ایمرجنسی کی صورتحال پیدا کردی ہے۔
پی ڈی ایم اے کے مطابق وزیراعلیٰ کے پی کے کی ہدایات پربارش متاثرین کو امدادی چیک بھی دیئے جا رہے ہیں اور امدادی سامان بھی فراہم کیا جارہاہے۔
پی ڈی ایم اے کے مطابق امدادی سامان میں دوسو خیمے،سو کچن سیٹ، دو سو کمبل شامل ہیں
جب کہ متاثرین کوسو چٹائیاں، دوسو مچھر دانیاں اور دو سو میٹریسس بھی دیئے گئے ہیں، متاثرین کو روز مرہ ضروریات زندگی کی دیگر اشیاء بھی دی گئی ہیں۔
