کراچی میں ایک بار پھر دودھ کی قیمت میں اضافے کا امکان ہے۔
تفصیلات کے مطابق مہنگائی سے پریشان عوام کے لیے بڑی خبر آگئی، دودھ کی فی لیٹر قیمت میں 50 روپیہ کا اضافہ بہت جلد متوقع ہے۔
آل کراچی ملک ریٹیلرز ویلفیئر ایسوسی ایشن نے دودھ کی قیمتوں میں اضافے کا عندیہ دے دیا گیا، صدر کراچی مبشر قدیر عباسی نے کہا ہے کہ دودھ کی فی لیٹر قیمت میں 50 روپیہ فی لیٹر کا اضافہ بہت جلد متوقع ہے۔
ملک ریٹیلرز ویلفیئر ایسوسی ایشن کے مطابق دودھ کی بڑھتی ہوئی پیداوری لاگت،مویشیوں کی بڑہتی ہوئی قیمتوں اور فی جانور کم پیداوار اور حکومتی عدم توجہی کی وجہ سے دودھ کی فی لیٹر قیمت میں اضافہ کیا جائے گا۔
ان کا کہنا تھا کہ ضروری ہے کہ کمشنر کراچی فوری طور پر دودھ کی پیداواری لاگت کے مطابق نئی قیمتوں کا نوٹیفکیشن جاری کریں بصورت دیگر مورخہ 10 مئی سے اسٹیک ہولڈرز مشاورت کے بعد ازخود قیمتوں میں اضافہ کردیں گے۔
