اداکارہ امر خان نے انکشاف کیا ہے کہ پڑھائی کے دوران انہیں ایک مرتبہ بھارت جانے کا موقع ملا تو سوچا ایئرپورٹ پر شاہ رخ خان میرے منتظر ہوں گے تاہم وہاں پہنچ کر میرے تمام خواب چکنا چور ہوگئے۔
امر خان نے حال ہی میں ایک انٹرویو کے دوران بتایا کہ پڑھائی کے دوران ہی مجھے یونیورسٹی کی جانب سے پڑوسی ملک بھارت جانے کا موقع ملا تو میں خوشی سے نہال ہو گئی۔
اس خوشی کی وجہ یہ تھی کہ بچپن سے ہی مجھے بالی ووڈ کی دنیا دیکھنے کا شوق تھا، تو جب میں بھارت کے ائیر پورٹ پر اتری تو میرے خواب چکنا چور ہو گئے، وہاں میں نے میلے کوچیلے لوگ پھرتے دیکھے جنہوں نے سر پر خوب تیل لگایا ہوا تھا۔
اداکارہ امر خان نے بتایا کہ میں نے دل ہی دل میں سوچ لیا تھا کہ جیسے ائیرپورٹ پر اتروں گی تو شاہ رخ خان میرے انتظار میں کھڑے ہوں گے اور مجھے سمرن والا ماحول ملے گا۔
اس کے علاوہ یہ بھی حقیقت ہے کہ میں اس وقت کوئی اتنی خوبصورت بھی نہیں دکھتی تھی، میں ایسی لڑکی تھی جو ہمیشہ اپنی پڑھائی میں مگن رہتی تھی۔
