پاک بحریہ نے 8 ایرانی ماہی گیروں کو انسانی ہمدردی کے تحت ایرانی سفارتی حکام کے سپرد کردیا۔
نجی ٹی وی نے پاک فوج کے شعبہ تعلقات عامہ (آئی ایس پی آر) کے جاری کردہ بیان کے حوالے سے بتایا کہ پاک بحریہ نے ایرانی ماہی گیروں کو کھلے سمندر میں کامیاب ریسکیو آپریشن کے دوران بچایا تھا۔
آئی ایس پی آرنے کہا کہ پاک بحریہ کے جہاز نے سمندر میں آتشزدگی کی شکار کشتی کی ہنگامی کال پر بروقت کارروائی کی اور پاک بحریہ کے جہاز پی این ایس یرموک نے ایرانی کشتی کے تمام 8 ماہی گیروں کو بچایا۔آئی ایس پی آرکے مطابق پاک بحریہ کے جہاز نے بے قابو آگ کو بجھانے میں احسن کردار ادا کیا۔
یاد رہے کہ 25 مارچ کو پاک بحریہ نے کھلے سمندر میں آتشزدگی کا شکار ایرانی ماہی گیروں کی کشتی پر ریسکیو آپریشن کرتے ہوئے 8 ماہی گیروں کو بچالیا تھا ۔
