ڈاکٹر اقبال چوہدری کو چھٹی بار انٹرنیشنل سینٹر فار کیمیکل اینڈ بیالوجیکل سائنسز (آئ سی سی بی ایس) جامعہ کراچی کا ڈائریکٹر مقرر کر دیا گیا۔
چھیاسٹھ سالہ ڈاکٹر اقبال چوہدری کو ایک بار پھر آئی سی سی بی ایس، جامعہ کراچی کا ڈائریکٹر مقرر کرکے نوٹیفیکیشن جاری کردیا گیا ہے۔خیال رہے کہ ڈاکٹر اقبال چوہدری اس سے قبل 20 برس تک اس عہدے پر تعینات رہ چکے ہیں۔
گزشتہ سال جب ان کی پانچویں 4 سالہ مدت مکمل ہوئی تو ان کی ملازمت میں توسیع نہیں کی گئی۔ اس دوران وہ کامسٹیک اسلام آباد کے کوآرڈینیٹر جنرل کے عہدے پر تعینات پر رہے۔
تاہم اچانک ایک اعلیٰ شخصیت کے حکم پر انہیں ایک بار پھر جامعہ کراچی نے 6 ماہ کے لیے(آئی سی سی بی ایس) جامعہ کراچی کا ڈائریکٹر مقرر کردیا گیا ہے۔
