پاکستان فیڈریشن بیس بال نے پنجاب بیس بال لیگ کے بعد آئندہ برس پاکستان بیس بال لیگ کرانے کا اعلان کیا ہے۔ اس ایونٹ کے لیے فلسطین کے کھلاڑیوں اور کوچز نے بھی لیگ میں شرکت کی تصدیق کر دی ہے ۔
پاکستان فیڈریشن بیس بال کے سیکریٹری سید فخر علی شاہ نے بتایا کہ گزشتہ ماہ لاہور میں پنجاب بیس بال لیگ کا انعقاد کیا گیا جس میں پنجاب کی تین ٹیموں نے شرکت کی اور چھ غیر ملکی کوچز بھی شامل تھے جس کا شاندار تجربہ رہا اور اب پاکستان کی سطح پر لیگ ہو گی جو آئندہ برس کھیلی جائے گی ۔
انہوں نے کہا کہ غیر ملکی کھلاڑی اور کوچز بھی اس لیگ میں شرکت کریں گے فلسطین کے کھلاڑیوں اور کوچز نے شرکت کی تصدیق کی ہے فلسطین ٹیم کے کھلاڑی امریکہ میں ٹریننگ کرتے ہیں ۔ انڈیا ، ملائیشیا نیپال اور سری لنکا کے کھلاڑی بھی پاکستان بیس بال لیگ میں حصہ لیں گے ۔
