دنیا کی نظر میں پاکستان کا سب سے بہترین شہر کونسا ہے، آئیے جانتے ہیں۔آکسفورڈ اکنامکس کی جانب سے پہلی بار دنیا کے ایک ہزار شہروں کی درجہ بندی پر مبنی فہرست جاری کی گئی ہے۔
فہرست کے مطابق یہ دنیا کے ایک ہزار بڑے شہروں کی جامع درجہ بندی ہے جس میں معیشت، ہیومین کیپیٹل، معیار زندگی، ماحولیات اور طرز حکمرانی سمیت ستائیس شعبوں کو مدنظر رکھا گیاہے۔
اس فہرست کے مطابق پاکستان کا سب سے بہترین شہر اسلام آباد / راولپنڈی ہے جو ایک ہزار شہروں میں پانچ سو اٹھتر ویں نمبر پر ہے۔دوسرا نمبر لاہور کے نام رہا جو مجموعی طور پر آٹھ سو اٹھتر ویں نمبر پر ہے جبکہ پشاور تیسرے آٹھ سو پچانو ویں نمبر پر، کراچی چوتھے نو سو اٹھارویں نمبر پر اور کوئٹہ 5 ویں نو سو چالیسویں نمبر پر موجود ہے۔
اس فہرست میں دنیا کا بہترین شہر نیویارک قرار دیا گیا ہے جس کے بعد لندن، سان جوز، ٹوکیو، Seattle، لاس اینجلس، سان فرانسسکو، میلبرن اور زیورخ ٹاپ ٹین شہروں میں شامل ہیں۔دنیا کے پچاس بہترین شہروں میں امریکا اور یورپ کا غلبہ رہا ہے اور ٹوکیو کے علاوہ سیؤل اکتالیسو ویں اور سنگاپوربیالیسو یں ایشیا کے بہترین شہر قرار پائے۔
آکسفورڈ اکنامکس کے مطابق ہماری گلوبل سٹیز انڈیکس میں دنیا بھر کے ایک ہزار بڑے شہروں کی خوبیوں اور کمزوریوں کا تجزیہ کیا گیا۔
