کراچی کے علاقے گرومندر میں صبح سویرے کار پر فائرنگ کی گئی ہے جس کے نتیجے میں 2 افراد جاں بحق ہو گئے۔
ایس پی جمشید کوارٹر علینہ راجپر کے مطابق موٹر سائیکل سوار ملزمان نے سیاہ کار کو نشانہ بنایا ہے، فائرنگ سے کار سوار 2 افراد شدید زخمی ہو کر اسپتال میں دم توڑ گئے۔
انہوں نے بتایا کہ واقعہ ٹارگٹ کلنگ ہے، حملے میں واجد اورنگزیب اور شان اورنگزیب نامی 2 نوجوان جاں بحق ہوئے ہیں۔پولیس ذرائع کے مطابق کار پر فائرنگ مبینہ طور پر دشمنی کی بنا پر کی گئی، جاں بحق ہونے والے ایک معروف آئسکریم شاپ سے تعلق رکھتے ہیں۔ایس پی جمشید کوارٹر علینہ راجپر کا کہنا ہے کہ 2 موٹر سائیکلوں پر سوار 4 افراد نے فائرنگ کی، واقعے کی جگہ سے پستول کی گولیوں کے 18 خول ملے ہیں، فائرنگ سے جاں بحق ہونے والے دونوں نوجوان واجد اورنگزیب اور شان اورنگزیب سگے بھائی ہیں۔
