سندھ رینجرز نے کراچی اور اندرون سندھ میں شدید گرمی کے پیشِ نظر ہیٹ اسٹروک سینٹرز قائم کر دیے۔
کراچی کے مختلف علاقوں میں ہیٹ اسٹروک سینٹرز قائم کیے گئے ہیں جن میں ٹینک چوک، ملیر کالا بورڈ، مجید کالونی، بابر مارکیٹ، نصرت بھٹو کالونی،ڈی سی سینٹرل روڈ، ایم ڈی کٹ، اے آر وائی کٹ، نیو سبزی منڈی، الاآصف چورنگی، اورنگی ٹاؤن، ملیر ٹاؤن، گڈاپ ٹاؤن، ناظم آباد ٹاؤن، بلدیہ ٹاؤن، کورنگی ٹاؤن، کیماڑی ٹاؤن، صدر ٹاؤن اور شہر کی اہم شاہراہیں شامل ہیں۔
اندرون سندھ میں حیدرآباد، چھور، اور چھاچھرو میں بھی ہیٹ اسٹروک سینٹرز کا قیام عمل میں لایا گیا۔
رینجرز کے ہیٹ اسٹروک سینٹرز میں شہریوں کے لیے ٹھنڈے پانی، او آر ایس پیکٹس اور دیگر ادویات کی فراہمی کی گئی۔
سندھ رینجرز کے ڈاکٹرز اور پیرا میڈیکل اسٹاف کے عملے نے گرمی کے بچاؤ سے بچنے کے لیے مختلف طبی سہولیات بھی فراہم کیں۔شہریوں کی بڑی تعداد نے رینجرز کے قائم کردہ ہیٹ اسٹروک سینٹرز کا رخ کر کے استفادہ حاصل کیا۔
