سعودی عرب کیخلاف فیفا کوالیفائر سے قبل پاکستان فٹبال ٹیم کو ہارون حامد کی صورت میں دھچکا پہنچا ہے۔
قومی ٹیم کے اہم کھلاڑی ہارون حامد ان فٹ قرار دیئے گئے ہیں، ہارون حامدفٹنس مسائل کی وجہ سے آخری دو کوالیفائرز نہیں کھیلیں گے۔
قومی ٹیم کے میڈیکل پینل نے ہارون حامد کی فٹنس کا جائزہ لینے کے بعد انہیں اسکواڈ سے ڈراپ کرنے کا فیصلہ کیا ہے۔ہارون حامد کیمپ میں شمولیت سے قبل بھی مکمل فٹ نہیں تھے، ہارون حامد نے کوالیفائر کے پہلے راؤنڈ میں کمبوڈیا کے خلاف تاریخی گول کیا تھا۔
واضح رہے کہ پاکستان کو ورلڈ کپ کوالیفائرز میں 6 جون کو سعودی عرب اور 11 جون کو تاجکستان سے مقابلہ کرنا ہے۔
