پاکستان شوبز انڈسٹری کی معروف اداکارہ کبریٰ خان نے اداکاروں کے بارے میں لوگوں کے ذہنوں میں موجود مذہب سے دوری کے عام تاثر پر بات کی ہے۔
کبریٰ خان نے حال ہی میں ایک ویب شو میں بطور مہمان شرکت کی جہاں اُنہوں نے زندگی میں مذہب اور عبادت کی اہمیت سے متعلق گفتگو کی۔
اُنہوں نے کہا کہ میں زندگی میں ملنے والی کسی بھی کامیابی کا کریڈٹ نہیں لیتی کیونکہ مجھے زندگی میں آج تک جو کچھ بھی ملا ہے وہ سب صرف اللّٰہ کی مرضی سے ملا ہے اس میں میرا کوئی کمال نہیں ہے۔
اداکارہ نے کہا کہ میں مذہب کے بہت قریب ہوں تو مجھے یہ محسوس ہوتا ہے کہ اگر میں ایک دن میں پانچ وقت کی نماز پڑھتی ہوں تو یہ بھی صرف اللّٰہ کی مرضی سے ممکن ہے۔
اُنہوں نے بتایا کہ وہ زندگی میں تین بار اعتکاف میں بیٹھ چُکی ہیں اور جب میں پہلی بار اعتکاف میں بیٹھی تھی تو میں بہت پُر جوش تھی اور میرا وہ تجربہ بہت اچھا تھا۔
کبریٰ خان نے مزید بتایا کہ جب میرا اعتکاف ختم ہوا تو کچھ لوگوں نے مجھے دیکھ کر کہا کہ تمہارے چہرے پر نور ہے لیکن مجھے ان کی باتوں پر بالکل یقین نہیں آیا۔
