اگرچہ ہاکی جیسے کھیل میں پاکستان کی رینکنگ 15، 16 نمبر پر ہے لیکن ہاکی کے اچھے دن آنیوالے ہیں۔
یہ خبر دی ہے سابق اولمپیئن سمیع اللہ نے بڑے یقین کے ساتھ۔یہ بات انھوں نے پاکستان ہاکی ٹیم کے لئے جاری کئے گئے ایک بیانیہ میں کہی ہے،
ان کامزید کہناتھا گوکہ میں 2004 سے پاکستان ہاکی میں ہونے والی سیاست سے دور ہوں۔
اور نہایت متاسف رہتا ہوں کہ پاکستان ہاکی تباہی کے دہانے پرکھڑی ہے۔یہاں تک کہ ہم 2 بار ورلڈ کپ، 2 بار اولمپکس اور ایشین گیمز میں کوالیفائی نہیں کر سکے۔جوکہ ایک تشویشناک امر ہے،
تاہم اب آثار سے ظاہرہے کہ ہاکی کے اچھے دن قریب ہیں۔ اور پاکستان اپنا کھویا ہوا مقام دوبارہ حاصل کرنے والا ہے۔
