ہاتھوں میں مہندی،گالوں پر لالی اور چہرے پر مسکراہٹ لئے عالیہ کی نکاح کے 2دن بعد کرکٹ کے میدان میں واپسی ان کی پیشہ ورانہ اہلیت اور اخلاص کی بولتی گواہی ہے۔
پاکستان ٹیم کی آل راؤنڈر عالیہ ریاض نکاح کے صرف دو دن بعد ٹریننگ کرنے نیشنل اسٹیڈیم پہنچ گئیں۔
خیال رہے کہ دو روز قبل عالیہ ریاض کا نکاح سابق ٹیسٹ فاسٹ بولر وقار یونس کے بھائی سے ہوا ہے۔
جس کے فوری بعد انہوں نے پاکستان ٹیم کو جوائن کرلیا ہے اور ٹیم کے ہمراہ بھرپور ٹریننگ میں شرکت کی۔
واضح رہے کہ ویسٹ انڈیز کے خلاف سیریز کیلئے پاکستان ٹیم نے تین گھنٹے کا بھرپور سیشن کیا جس میں فزیکل ٹریننگ کے بعد بیٹنگ،بولنگ اور کیچز کی پریکٹس کی۔
