بھارت میں عام انتخابات کا آج سے آغاز ہونے جارہا ہے، عام انتخابات کا سلسلہ 7 مراحل میں یکم جون تک جاری رہے گا۔
غیر ملکی ذرائع ابلاغ کے مطابق بھارت میں 19اپریل سے شروع ہونے والے انتخابات کے نتائج کا اعلان 4 جون کو کیا جائے گا، سب سے خاص امیدوار موجودہ وزیراعظم نریندر مودی کو قرار دیا جارہا ہے۔
حزبِ اختلاف کی سب سے بڑی جماعت کانگریس کا اہم چہرہ راہول گاندھی انتخابی میدان میں مودی سے زور آزمائی کریں گے۔
اس بار بھی اگر موجودہ وزیر اعظم نریندر مودی کو کامیابی ملتی ہے تو وہ تیسری بار منتخب ہونے والے دوسرے بھارتی وزیراعظم ہوں گے۔ اس سے قبل نہرو 3 بار بھارت کے وزیراعظم رہ چکے ہیں۔
بھارت میں رجسٹرڈ ووٹرز کی تعداد 97 کروڑ ہے جبکہ حکومت بنانے کیلئے لوک سبھا کی 543 نشستوں میں سے 272 پر کامیابی حاصل کرنا ضروری ہے۔
سب سے زیادہ ملک کی اکثریت ہندوؤں کی حمایت بی جے پی کو حاصل ہے جبکہ حزبِ اختلاف کی دو درجن جماعتوں نے ’انڈیا‘ کے نام سے سیاسی اتحاد تخلیق کیا ہے۔
بھارت میں ہونے والے انتخابات کو دنیا میں کسی بھی ملک میں ہونے والا سب سے بڑا انتخابی معرکہ بھی قرار دیا جاتا ہے
