پاکستانی اداکار و میزبان نور الحسن کی صلاح الدین ایوبی کے سیٹ سے تصاویر کے چرچے ہونے لگے۔سینیئر اداکار نے حال ہی میں ہٹ ڈرامہ سیریلز ‘خئی‘ اور ‘عشق مرشد‘ میں اپنی بہترین اداکاری کے لیے سرخیوں میں جگہ بنائی۔ اب وہ ترک سیریز میں بھی اداکاری کے جوہر دکھاتے نظر آئیں گے۔
نور الحسن اس وقت ترکی میں ہیں جہاں انہیں ’صلاح الدین ایوبی‘ کو ڈرامے کی کاسٹ کیساتھ دیکھا گیا۔ اداکار نے صلاح الدین ایوبی کے سیٹ سے تصاویر اور انسٹاگرام ریلیز شیئر کیں۔نور الحسن نے ترک اداکار اوور گونیش کے ساتھ تصاویر بھی شیئر کیں جو ڈرامے میں ’صلاح الدین ایوبی‘ کا کردار ادا کر رہے ہیں۔
نور الحسن واحد پاکستانی اداکار ہیں جنہیں پاک ترک مشترکہ منصوبے صلاح الدین ایوبی میں اداکاری کے لیے منتخب کیا گیا ہے۔یہ ویب سیریز یروشلم کو فتح کرنے والے اسلامی تاریخ کے مشہور حکمران اور فوجی کمانڈر سلطان صلاح الدین ایوبی کی زندگی پر مبنی ہے۔
سیریز میں صلاح الدین ایوبی کا مرکزی کردار ترک اداکار اوور گونیش ادا کر رہے ہیں جب کہ پاکستان سے اس میں عدنان صدیقی، ہمایوں سعید، کاشف انصاری، جنید علی شاہ اور دیگر شامل ہیں۔
واضح رہے کہ تاریخی ویب سیریز کے لیے ایک بڑا سیٹ تیار کیا گیا تھا جس میں 200 ایکڑ پر پھیلے قدیم شہر دمشق کی مکمل جھلک شامل ہے۔
