کراچی میں آج سے تین روز کے دوران ہیٹ ویو کا خدشہ ہے۔
چیف میٹرولوجسٹ سردارسرفراز نے نجی چینل سے گفتگو کرتے ہوئے بتایا کہ کراچی کا درجہ حرارت آج 40 ڈگری یا اس سے زائد ہوسکتا ہے جو آئندہ دو روز کے دوران 42 ڈگری سینٹی گریڈ تک جاسکتا ہے۔
چیف میٹرولوجسٹ کے مطابق کراچی میں ہوا میں نمی کا تناسب75 فیصد ہے اور مغرب سے 29کلو میٹر فی گھنٹہ کی رفتار سےہوائیں چل رہی ہیں۔
سردار سرفراز نے بتایا کہ اس وقت اندرون سندھ گرمی کی لپیٹ میں ہے، رواں سیزن میں اندرون سندھ کے علاقوں میں 53 ڈگری سینٹی گریڈ ریکارڈ کیا گیا، مئی2017 میں تربت میں درجہ حرارت 54 ڈگری ریکارڈ کیا گیا جو ملکی تاریخ کا بلندترین درجہ حرارت ہے۔
