یمن کے قریب ساحل کے پاس افریقی تارکین وطن کی کشتی ڈوب گئی، حادثے میں 38 افراد مارے گئے ہیں۔
غیرملکی میڈیا رپورٹس کے مطابق بدقسمت کشتی پر 250 سے زائد صومالی تارکین وطن سوار ہو کر ساحلی راستے کے ذریعے بہتر زندگی کے خواب آنکھوں میں سجائے یورپ جا رہے تھے
یمنی صوبے شبوا کے ساحل کے قریب الٹنے سے حادثہ پیش آ گیا۔تارکین وطن کی کشتی الٹنے سے 38 افراد مارے گئے، مرنے والوں میں 28 خواتین بھی شامل ہیں۔
بروقت ریسکیو آپریشن کر کے 72 تارکین کو بچا لیا گیا جبکہ 150 لاپتہ ہیں جن کی تلاش جاری ہے، کشتی کو حادثہ زیادہ افراد سوار ہونے کے باعث پیش آیا۔
