آپ کو یہ جان کر حیرت ومسرت ہوگی کہ بالی وڈ سپر اسٹار سلمان خان آج کل بڑی محویت کے ساتھ مشہور پاکستانی نعت خواں فرحان علی وارث کی رمضان ٹرانسمیشن دیکھ رہے ہیں۔
اور وہ ان ٹرانسمیشنز سے اتنے متاثر ہوئے ہیں۔کہ انھوں نے فرحان علی وارث کو سلام بھی بھجوایا ہے۔
اس بات کا انکشاف سلمان خان کے فٹنس ٹرینر عباس علی نے پاکستانی چینل کی رمضان ٹرانسمیشن میں کیا۔
سلمان خان کے فٹنس ٹرینر نے ٹرانسمیشن کے دوران لائیو کال میں بتایاکہ وہ سلمان خان کو فرحان علی وارث کی ٹرانسمیشنز پابندی سے دکھا رہے ہیں۔
اس کے علاوہ انھوں نے یہ بھی بتایا کہ سلمان خان اور فرحان علی وارث کی پہلے بھی ملاقات ہوچکی ہے۔اور دونوں ہی ایک دوسرے کے مداح ہیں۔
اور رواں ماہ ِ رمضان میں بھی سلمان خان نے فرحان علی وارث کو خصوصی سلام بھجوایا ہے۔
