کنگنا رناوت اپنے عجیب،سخت اور بے سروپا بیانات کی وجہ سے ہمیشہ خبروں میں رہتی ہیں۔کبھی کبھار وہ کچھ معقول باتیں بھی کر جاتی ہیں۔
اوراب تو سیاست میں بھی کنگنا کی انٹری ہوگئی ہے۔وہ بی جے پی کی طرف سے آئندہ ہونے والے انتخابات میں حصہ لے رہی ہیں۔
اپنے حالیہ بیان کے باعث ایک بار پھر وہ خبروں کی زینت ہیں۔بالی وڈ اداکارہ نے خوش گمانی کا اظہار کرتے ہوئے کہا ہے کہ میں اور شاہ رخ خان اسٹارز کی آخری نسل ہیں۔
میڈیا رپورٹس کے مطابق وہ ایک تقریب میں بات چیت کررہی تھیں۔انھوں نے اپنی آنے والی نئی فلم ‘ایمرجنسی’ کے حوالے سے بات کرتے ہوئے کہا کہ کسی بھی اداکار کے کیرئیر میں صرف ہٹ فلمیں نہیں آئیں، شاہ رخ خان کی فلمیں دس سال تک نہیں چلیں اور پھر ‘پٹھان’ ہٹ ہوگئی۔
پھر انھوں نے اپنا حوالہ دیتے ہوئے کہا کہ میری فلمیں سات آٹھ سال تک نہیں چلیں لیکن پھر ‘کوئین’ نے ہٹ ہو کرفلم بینوں کی مکمل توجہ سمیٹ لی۔
اسی دوران کچھ اور اچھی فلمیں بھی آئیں، پھر تین چار سال بعد میری فلم ’مانی کارنیکا‘ نے بھی بڑے پردے پرعروج کا سفر کیا۔
اپنی شادی سے متعلق پوچھے گئے ایک سوال کے جواب میں انھوں نے کہا کہ میں خاندانی لڑکی ہوں۔آنے والے پانچ سالوں میں شادی کر لوں گی۔
