کرکٹ آسٹریلیا کے چیف ایگزیکٹو نک ہوکلے کا کہنا ہے اگر ہمیں موقع ملتا ہے تو ہم پاک بھارت کرکٹ سیریز کرا کے اچھا محسوس کریں گے۔
کرکٹ آسٹریلیا کے سی ای او نک ہو کلے ایم سی جی میں پاک انڈیا فینز کی تقریب کے موقع پر میڈیا سے گفتگو کرتے ہوئے کہہ رہے تھے کہ پاک بھارت کرکٹ کے لیے ہم بخوبی اپنا کردار ادا کرنا پسند کریں گے۔
کیونکہ ہم تمام ممبر ممالک کے ساتھ اپنے تعلقات کی قدر کرتے ہیں۔ان کا مزید کہنا تھا کہ ہم پاکستان کی دوبارہ میزبانی کر نے کے لیے پرجوش ہیں،
اس کے علاوہ آئندہ سیزن میں بھارتی ٹیم بھی ٹیسٹ سیریز کے لیے آسٹریلیا آ ٰرہی ہے ہم اسے بھی خوش آمدید کہنے کے لئے بہت پرجوش ہیں۔
پاک بھارت سیریز کے حوالے سے چیف ایگزیکٹو کرکٹ آسٹریلیا کامزید کہنا تھا کہ نیو یارک میں پاکستان بھارت کے مقابلے کے ہم سب منتظر ہیں، ہم یہ مقابلے زیادہ سے زیادہ دیکھنا چاہتے ہیں۔
