پاک بحریہ کی مشق سی اسپارک 2024 کی اختتامی تقریب کے موقع پر شمالی بحیرہ عرب میں فائر پاور کا کامیاب مظاہرہ پیش کیا گیا۔
آئی ایس پی آر کے مطابق کمانڈر پاکستان فلیٹ وائس ایڈمرل محمد فیصل عباسی نے فائر پاور ڈسپلے کا مشاہدہ کیا۔پاک بحریہ نے سطح آب سے فضا میں مار کرنے والے ایف ایم 90 میزائلز سے فضائی ہدف کو کامیابی سے نشانہ بنایا۔
میزائل فائرنگ کا کامیاب مظاہرہ پاک بحریہ کی آپریشنل صلاحیت کا منہ بولتا ثبوت ہے۔
آئی ایس پی آر کے مطابق کمانڈر پاکستان فلیٹ نے پاک بحریہ کی آپریشنل تیاری پر مکمل اطمینان کا اظہار کیا۔
وائس ایڈمرل محمد فیصل عباسی کا کہنا تھا کہ پاک بحریہ ملکی بحری سرحدوں کو ناقابل تسخیر بنانے کے لیے ہمہ وقت تیار ہے۔
