بھارت کے بزنس ٹائیکون مکیش امبانی کے بیٹے اننت امبانی کی شادی کے سلسلے میں ہونے والی تقاریب نے اس وقت پوری دنیا کی توجہ اپنی جانب مبذول کر رکھی ہے۔
کیا بالی وڈ اور کیا ہالی وڈ سب یکجان ہوگئے ہیں۔ وہ لوگ جو ایک ساتھ نظر آنا پسند نہیں کرتے تھے۔ اننت امبانی اور رادھیکا کی شادی کی تقاریب میں ساتھ دکھائی دے رہے ہیں۔
غصے کی کیفیات محبتوں اور پیارکے جذبات میں تبدیل ہورہی ہیں۔یہاں تک کہ بالی ووڈ کی سینیئر اداکارہ و سیاستدان جیا بچن جن کے بارے میں مشہور ہے کہ وہ بھارتی میڈیا کو کبھی خاطر میں نہیں لاتیں۔
اورغصے کااظہار کرتی نظر آتی ہیں وہ بھی میڈیا کو دیکھ کر مسکراتی نظر آئیں۔ اور اس حیرت انگیز مسکراہٹ پر میڈیا سمیت عوام کو بھی حیرانگی ہے۔
اگرچہ اب شادی کی ’پری ویڈنگ‘ تقریبات کا اختتام ہوگیا ہے۔اوران میں فیس بک کے بانی مارک زکربرگ، امریکی گلوکارہ ریانا، مائیکروسافٹ کے شریک بانی بل گیٹس، الفابیٹ کے چیف ایگزیکٹو سندر پچائی، بلیک راک کے شریک بانی لیری فنک، آسٹریلیا کے سابق وزیراعظم کیون رڈ اور ایوانکا ٹرمپ، کینیڈا کے سابق وزیر اعظم اسٹیفن ہارپر، کرکٹرز مہندر سنگھ دھونی اور ڈوین براوو نے بطورِ مہمان شرکت کی۔
