آسٹریلیا میں گالف کے ایک گیم میں اس وقت ایک زبردست خلل واقع ہوگیا جب کینگروز کا بڑا جھنڈ گولف گراؤنڈ میں کودتے ہوئے آگیادر آیا۔
میڈیا رپورٹس کے مطابق آسٹریلیا کی ریاست وکٹوریہ میں گالف کھیلنے والے کھلاڑیوں نے اس عجیب و غریب منظر کی ویڈیو ریکارڈ کرلی جس میں کینگروز کے بڑے جھنڈ نے گالف گراؤنڈ میں ایسی افراتفری پید اکردی کہ نہ جائے ماندن نہ پائے رفتن والی کیفیت پیدا ہوگئی۔
موقع پر موجود ایک کھلاڑی نے سوشل میڈیا پر ویڈیو پوسٹ کی جس میں کینگروز کے مست جھنڈ کو دکھایا گیا ہے جو ہیریٹیج گالف اینڈ کنٹری کلب میں عین کھیل کے دوران بزعم خود درآیا اور بلا خوف و خطر گالف کے میچ میں شریک ہوگیا۔
لیکن کچھ اس طرح کہ تماشائیوں اور گالف کے کھلاڑیوں کو میچ سے نکال باہر کیا۔گالف کے کھلاڑی نے کیپشن میں لکھا کہ ماقبل بھی ہیریٹیج گالف اینڈ کنٹری کلب میں گالف کے مقابلوں کے دوران کینگروز آتے رہے ہیں لیکن میں نے اس سے پہلے کبھی اتنا بڑا جھنڈ نہیں دیکھا۔
ایک اور کھلاڑی کا کہنا تھا کہ اتنی بڑی تعداد میں کینگروزکو کودتے اور بھاگتے ہوئے دیکھنے سے ایسا محسوس ہوتا تھا کہ یہ سلسلہ جیسے یہ سلسلہ تھمنے والا نہیں ہے۔
