بالی ووڈ اداکار سلمان خان نے کہا ہے کہ میرا کرکٹ کھیلنے کا ٹائم چلا گیا ہے۔
غیر ملکی میڈیا کے مطابق سلیبرٹی کرکٹ لیگ کا آغاز گزشتہ ماہ دبئی میں ہوا تھا جس میں سلمان خان اپنے بھائی کی ٹیم کو سپورٹ کرنے کے لیے پہنچے تھے۔
اب اسی موقع کی ایک ویڈیو سوشل میڈیا پر وائرل ہو رہی ہے۔
میڈیا کے نمائندے نے سلمان خان سے پوچھا تھا کہ آپ سے کوئی کرکٹ کھیلنے کی توقع کرسکتا ہے؟
اس سوال پر سلمان خان نے جواب دیا کہ وہ میرا کرکٹ کھیلنے کا ٹائم چلا گیا ہے، اگر میں کرکٹ کھیل رہا ہوتا تو آج میں کمنٹری بھی نہیں دے رہا ہوتا، وہ بھی عمر چلی گئی۔
سلمان خان کا کہنا تھا کہ اچھا کر رہا ہوں آپ لوگوں کی دعاؤں سے انڈسٹری میں، اپنے دیکھنے والوں اور مداحوں کا مشکور ہوں۔
