اسلام آباد یونائیٹڈچودہ کروڑ کی خطیر انعامی رقم کی حقدار قرار پائی۔اور ساتھ ہی ایچ بی ایل پی ایس ایل نائن میں بیش قیمت ٹرافی کے ساتھ فاتح ٹھہری۔
اسلام آباد یونائیٹڈ نے یہ گراں بہا اعزازکراچی میں کھیلے گئے فائنل میں ملتان سلطانز کو دو وکٹ سے شکست دے کرحاصل کیا۔
اسلام آباد یونائیٹڈ نے تیسری مرتبہ چیمپئن بننے کا اعزاز اپنے تینوں پلے آف میچز میں کامیابی حاصل کرکے کیا۔
دوسری جانب شومئی قسمت لگاتار تیسرے فائنل میں شکست کا منہ دیکھنے والی ملتان سلطانز کی ٹیم کو رنر اپ رہنے پرپانچ کروڑ ساٹھ لاکھ روپے ملے۔
فیصلہ کن معرکے میں بہترین کھلاڑی کا اعزاز اسلام آباد کے عماد وسیم کوحاصل ہوا، ٹورنامنٹ کے بہترین کھلاڑی اسلام آبادیونائیٹڈ کے کپتان شاداب خان قرار پائے، ایمرجنگ پلیئرآف دی ٹورنامنٹ کراچی کنگز کے عرفان نیازی قرار پائے۔
اس کے علاوہ ٹورنامنٹ کے بہترین بیٹر کا اعزاز ملتان سلطانز کے اسامہ میر جبکہ بہترین بیٹر کا انعام ساتھی میٹ عثمان خان کے حصے میں آیا۔
ٹورنامنٹ کے بہترین فیلڈر ش عرفان نیازی کو قرار دیا گیا، پشاورزلمی کے صائم ایوب کو سپر آل راؤنڈر قرار دیا گیا۔
جبکہ سیزن کے بہترین وکٹ کیپر کا اعزاز اسلام آباد یونائیٹڈ کے اعظم خان کے نام رہا۔
سب سے زیادہ وکٹیں اڑانے والے اسامہ میر کو فضل محمود کیپ اور زیادہ رنز بنانے والے بابراعظم کو حنیف محمد کیپ سے نوازا گیا، اسپرٹ آف ٹورنامنٹ کا ایوارڈ پشاورزلمی کو ملا جبکہ بہترین امپائر آصف یعقوب قرار پائے۔
