جب سے قومی کرکٹ ٹیم کے سابق کپتان اور آل راؤنڈر شعیب ملک کی دوسری شادی کے چرچے عام ہوئے ہیں۔ ان کے مداحوں نے مختلف طریقوں سے تنقید کرکر کے آسمان سر پر اٹھا لیا ہے۔لیکن ایک اور بات جو شعیب ملک اور ثنا جاوید کی شادی کے حوالے سے مشہور ہوئی ہے وہ ہے بالی ووڈ کنگ شاہ رخ خان کا پرانا ویڈیو کلپ جو بھرپور انداز سے سوشل میڈیا پر وائرل ہے۔
بات دراصل یہ ہے کہ سوشل میڈیا سائٹ انسٹاگرام پر ایک پُرانا ویڈیو کلپ وائرل ہورہا ہے جس میں شاہ رخ خان نے شعیب ملک کی دوسری شادی کی طرف اشارہ دیا تھا۔
کلپ کے مطابق اسٹیج پر شاہ رخ خان کے ہمراہ ثانیہ مرزا اور شعیب ملک موجود ہوتے ہیں، اسی دوران شاہ رخ خان کہتے ہیں کہ میں نے اسٹیج کے پیچھے شعیب ملک سے پوچھا کہ ثانیہ مرزا سے شادی کے بعد، تُم نے اُن پاکستانی لڑکیوں سے کیا کہا جو تم سے شادی کی خواہشمند ہیں؟
شاہ رخ خان نے اپنی بات جاری رکھتے ہوئے کہا کہ شعیب ملک نے مجھے جواب میں کہا کہ میں نے پاکستانی لڑکیوں سے کہا ہے کہ تُم اپنی باری کا انتظار کرو، میں تُم سے بھی شادی کرلوں گا۔
واضح رہے کہ شعیب ملک بعضے میڈیا رپورٹس میں یہ دعویٰ بھی کیا گیا ہے کہ قومی کرکٹر نے تین شادیاں کی ہیں لیکن شعیب ملک کے مطابق اُنہوں نے صرف دو شادیاں کی ہیں۔
اُنہوں نے پہلی شادی بھارتی ٹینس اسٹار ثانیہ مرزا سے کی تھی، اس سابق جوڑی کا ایک بیٹا بھی ہے اور شادی کے تیرہ سال بعد دونوں کے درمیان طلاق ہوگئی تھی۔
ثانیہ مرزا سے طلاق کے بعد شعیب ملک نے معروف اداکارہ ثنا جاوید سے دوسری شادی کی جس کا اعلان اس جوڑی نے رواں سال بیس جنوری کو اپنی سوشل میڈیا پوسٹ کے ذریعے کیا تھا۔
