پاکستان میں حج آپریشن کا باقاعدہ آغاز ہوگیا۔ کراچی سے رات گئے دو پروازیں 330 عازمین حج کو لے مدینہ منورہ روانہ ہوئیں۔
کراچی ایئرپورٹ پر روڈ ٹو مکہ منصوبے کے تحت سعودی امیگریشن حکام کو 8 کاؤنٹرز دیے گئے ہیں۔
روٹ ٹو مکہ کے تحت کراچی سے 16281 عازمین حج جائیں گے۔ سرکاری اسکیم کے تحت حج آپریشن 9 جون تک جاری رہے گا۔
لاہور کے علامہ اقبال انٹرنیشنل ایئر پورٹ سے بھی پہلی حج پرواز آج صبح روانہ ہونی تھی تاہم امیگریشن کاؤنٹر کی سیلنگ میں آگ لگنے کے باعث اس پرواز کی روانگی میں تاخیر ہوئی۔آگ لگنے سے دیگر بین الاقوامی پروازیں بھی تاخیر کا شکار ہوئیں۔
