پاکستان پیپلز پارٹی کے چیئرمین، سابق وزیرِ خارجہ بلاول بھٹو زرداری نے ماؤں کے عالمی دن کے موقع پر اپنی والدہ، سابقہ وزیرِاعظم بینظیر بھٹو کو خراجِ عقیدت پیش کیا ہے۔
گزشتہ روز دنیا بھر میں ماؤں کا عالمی دن منایا گیا۔
اس موقع پر ہر خاص و عام نے سوشل میڈیا پلیٹ فارمز کا سہارا لیتے ہوئے اپنی اپنی والدہ کو خراجِ تحسین پیش کیا اور اپنی جنت کے ساتھ تصویریں بھی شیئر کیں۔
ایسے میں معروف، نوجوان سیاست دان بلاول بھٹو زرداری نے بھی اپنے سوشل میڈیا اکاؤنٹ انسٹاگرام پر والدہ کی ایک خوبصورت اور یادگار تصویر شیئر کی۔بلاول بھٹو نے اپنی والدہ کی اس تصویر کے کیپشن میں ’ہیپی مدرز ڈے‘ لکھا ہے۔
بلاول بھٹو زرداری کی جانب سے والدہ کی شیئر کی گئی خوبصورت، ہنستی مسکراتی اس تصویر نے ناصرف جیالوں بلکہ بینظیر کے چاہنے والوں کے دلوں میں بھی اُن کی یاد کو ایک بار پھر تازہ کر دیا ہے۔
