بھارتی فلم انڈسٹری کے معروف اداکار شاہ رخ خان کا شمار ان اداکاروں میں ہوتا ہے، جن کا فلم میں ہونا اس فلم کی کامیابی کی ضمانت سمجھا جاتا ہے۔
بھارتی سینئر اداکارہ ہیما مالنی نے سپر اسٹار شاہ رخ خان کو بالی ووڈ فلم نگری میں لانے کا انکشاف کردیا۔
ایک بھارتی ٹی وی شو میں جب ان سے سوال کیا گیا کہ شاہ رخ خان جن کا مقابلہ امیتابھ بچن سے کیا جاتا ہے ان کو بالی ووڈ میں پہلا موقع آپ نے دیا؟
اس سوال پر ہیما مالنی کا کہنا تھا کہ جی میں فلم دل آشنا بنانے میں لگی تھی جس کے لیے میں ہیرو کی تلاش میں تھی۔
شاہ رخ خان کو ڈراما سیریل فوجی میں دیکھا، ایک بھولا بھالا، پیارا سا خوبصورت نوجوان اداکارہ نے بتایا کہ میں نے اس ڈرامے میں شاہ رخ خان کو دیکھ کر کہا کہ مجھے فلم کیلئے یہ لڑکا چاہئے اور پھر ان سے رابطہ کیا گیا جس کے بعد وہ ممبئی آئے۔
ہیما مالنی نے کہا میں نے ان کو نمبر دیا اور کہا کہ اب آپ مجھے کال کریں جس کے بعد وہ ملنے آئے ان کو کہانی سنائی اور وہ انہیں پسند بھی آگئی۔
واضح رہے کہ ڈراما ’فوجی‘ سال 1988 میں نشر ہوا جبکہ ہیما مالنی کی فلم ’دل آشنا‘ سال 1992 میں ریلیز ہوئی تھی، جس میں شاہ رخ خان کیساتھ دویا بھارتی نے اہم کردار ادا کیا تھا۔
