سندھ بھر کے اسکولوں میں بھی موسم گرما کی تعطیلات کا اعلان کر کے نوٹیفکیشن جاری کر دیا گیا۔
نوٹیفکیشن کے مطابق سندھ کے اسکولوں میں گرمیوں کی چھٹیاں یکم جون سے 31 جولائی تک ہوں گی، گرمیوں کی چھٹیاں اسٹیئرنگ کمیٹی کے فیصلے کے مطابق ہی ہوں گی۔
واضح رہے کہ پنجاب کی طرز پر سندھ میں گرمی کی چھٹیاں قبل از وقت کرنے کی تجویز زیر غور تھی۔
یاد رہے کہ پنجاب بھر میں سرکاری و نجی اسکولوں میں گرمیوں کی چھٹیاں 25 مئی سےشروع ہوں گی جو 14 اگست تک جاری رہیں گی۔نوٹیفکیشن کے مطابق موسم کی شدید صورتحال کے باعث پنجاب میں اسکولوں کے اوقات کار بھی تبدیل کر دیئے گئے ہیں۔
محکمہ تعلیم کے مطابق تبدیل شدہ اوقات کے مطابق اسکول پیر سے جمعرات تک صبح 7 سے 11.30 بجے تک کھلیں گے جبکہ جمعہ کو تمام اسکولوں میں صبح 7 بجے سے 10.30 بجے تک تعلیمی سرگرمیاں جاری رہیں گی۔
