بالی وڈ اداکار سنجے دت اکشے کمار کی فلم ’ویلکم ٹو دی جنگل’ کی کاسٹ سے باہر ہوگئے۔
بھارتی میڈیا رپورٹ کے مطابق سجنے دت ’ویلکم ٹو دی جنگل’ سے واک آؤٹ کرچکے ہیں جبکہ فلم میں جیکولین ، روینہ ٹنڈن سمیت دیگر کاسٹ تاحال موجود ہے۔سجنے دت کا فلم سے ارادہ تبدیل کرنے کی وجہ ممکنہ انکی صحت کے مسائل ہیں، بتایا جارہا ہے کہ سنجے دت صرف ایک دن کیلئے فلم کی شوٹنگ میں حاضر ہوئے بعدازاں انہوں نے مزید فلم کا حصہ بننے سے معذرت کرلی۔
یہ بھی دعویٰ سامنے آیا ہے کہ مذکورہ فلم میں سنجے دت کا کردار ایکشن سے بھرپور تھا اور اس وجہ سے، انہوں نے اپنی صحت کے مسائل کو دیکھتے ہوئے واک آؤٹ کرنے کا فیصلہ کیا۔
یاد رہے کہ ’ویلکم ٹو دی جنگل’ ویلکم فرنچائز کی تیسری قسط ہے۔ پہلا حصہ انیس بزمی کی ہدایت کاری میں، 2007 میں ریلیز ہوا تھا جس میں اکشے کمار ، کترینہ کیف، انیل کپور، نانا پاٹیکر اور پریش راول سمیت دیگر نے اداکاری کی تھی۔جبکہ اسکا سیکوئل، ’ویلکم بیک’ 2015 میں ریلیز ہوا جس نے باکس آفس پر دھوم مچادی تھی۔
واضح رہے کہ ایکش تھرلر فلم ’ویلکم ٹو دی جنگل’ دسمبر 2024 میں سینما گھروں میں نمائش کے لیے تیار ہے۔
