آئی سی سی مینز ٹی 20 ورلڈ کپ 2024 کے پہلے سپر اوور میں نمیبیا نے عمان کو 11 رنز شکست دے دی، اس سے قبل مقررہ 20 اوورز میں دونوں ٹیمیں 109 رنز بنا سکی تھیں۔
ٹی 20 ورلڈکپ کا تیسرا میچ دلچسپ مقابلے کے بعد ٹائی ہو گیا، جس کے بعد میچ کا فیصلہ سپراوور میں ہوا۔
عمان کی ٹیم ہدف کا تعاقب کرنے میں ناکام رہی اور ایک اوور میں صرف 10 رنز ہی بنا سکی اور یوں نمیبیا نے میچ 11 رنز سے اپنے نام کرلیا۔
قبل ازیں برج ٹاؤن کے کینسنگٹن اوول میں کھیلے گئے میچ میں نمیبیا نے عمان کے خلاف ٹاس جیت کر بولنگ کا فیصلہ کیا، پہلے بیٹنگ کرتے ہوئے عمان کی ٹیم نے 109 رنز اسکور کیے اور نمیبیا کو 110 رنز کا ہدف دیا۔
