پاک بحریہ اور پاکستان میری ٹائم سیکیورٹی ایجنسی نے مشترکہ آپریشن کرتے ہوئے سمندرمیں منشیات کی بڑی کھیپ پکڑ لی۔
مشترکہ انسداد منشیات آپریشن میں پی ایم ایس ایس ژوب نے شمالی بحیرہ عرب میں منشیات سمگلنگ کی کوشش کو ناکام بناتے ہوئے بڑی مقدار میں منشیات ضبط کر لی۔
آئی ایس پی آر کے مطابق ضبط کی جانے والی منشیات کی بین الاقوامی مارکیٹ میں قیمت ہزاروں ڈالرز ہے۔یہ گزشتہ 10 دنوں میں پاک بحریہ کی منشیات سمگلنگ کے خلاف تیسری بڑی کارروائی ہے۔
پاک بحریہ اور پی ایم ایس اے سمندری راستوں کی کڑی نگرانی کیلئے مستقل موجودگی برقرار رکھے ہوئے ہیں۔کامیاب مشترکہ انسداد منشیات آپریشن پاک بحریہ اور پاکستان میری ٹائم سیکیورٹی ایجنسی کا سمندر میں مؤثر نگرانی کا نتیجہ ہے۔
