آئی سی سی مینز ٹی 20 ورلڈ کپ کے سب سے بڑے ٹاکرے میں بھارت نے پاکستان کو 6 رنز سے شکست دے دی۔
امریکا کے شہر نیویارک کے نساؤ کاؤنٹی گراؤنڈ میں ہونے والے ٹی20 ورلڈکپ کے 19ویں میچ میں روایتی حریف پاکستان اور بھارت مدمقابل ہوئے۔
بھارت نے پاکستان کو جیت کیلئے 120 رنز کا ہدف دیا، ہدف کے تعاقب میں پاکستانی ٹیم 7 وکٹوں کے نقصان پر مقررہ اوورز میں 113 رنز بناسکی۔
پاکستان نے ٹاس جیت کر بیٹنگ کی دعوت دی تو بھارت کی بیٹنگ لائن بری طرح لڑکھڑا گئی اور پوری ٹیم 19 اوور میں 119 رنز پر ڈھیر ہوگئی۔
علاوہ ازیں یہ ٹی ٹوئنٹی انٹرنیشنلز میں پاکستان کے خلاف بھارت کا کم ترین اسکور ہے، اس سے قبل بھارت کا کم ترین اسکور 2012 میں 9 وکٹ پر 133 رنز تھا۔
